လေယာဉ် သုံးစင်း ပြသ

သြစတြီးယား နိုင်ငံမှ ဝယ်ယူခဲ့သည့် အမောင်းသင် လေယာဉ် သုံးစင်း ပြသ
မြန်မာ နိုင်ငံတွင် ပထမဆုံး ဖွင့်လှစ်ခွင့် ရရှိသည့် ပုဂ္ဂလိက မြန်မာလေကြောင်း အကယ်ဒမီ (Myanmar Aviation Academy-MAA) တွင် အသုံးပြု မည့် DA-40 လေယာဉ်များနှင့် စပ် လျဉ်း၍ မီဒီယာသို့ ရှင်းလင်း ပြသခြင်း အခမ်းအနားကို ရန်ကုန် အပြည်ပြည် ဆိုင်ရာ လေဆိပ် အနီးရှိ Season ဟိုတယ် ၌ ယနေ့ နံနက် ၉ နာရီတွင် ကျင်းပ သည်။
မီဒီယာသို့ ယနေ့ ပြသသော လေယာဉ် သုံးစင်းမှာ သြစတြီးယား နိုင်ငံမှ ဝယ်ယူခဲ့သည့် အမောင်းသင် လေယာဉ် များ ဖြစ်ပြီး နိုင်ငံ တကာ လေယာဉ်မောင်း သင်တန်းကျောင်း များတွင် အသုံးပြု နေကြသည့် Diamond Aircraft 40-new generation DA-40 လေယာဉ် များ ဖြစ်သည်။ လေယာဉ်များကို သြစတြီးယား နိုင်ငံ Diamond Aircraft Industries ကုမ္ပဏီမှ တစ်စင်းလျှင် အမေရိကန် ဒေါ်လာ ၃၅ဝဝဝဝ ဖြင့် ဝယ်ယူခဲ့ခြင်း ဖြစ်ကြောင်း၊ တစ်နာရီလျှင် မိုင် ၁၂ဝ မှ ၁၅ဝ ထိ မောင်းနှင်နိုင်ကြောင်း၊လေယာဉ် များကို အသစ် ဝယ်ယူ ခဲ့ခြင်း ဖြစ်ကြောင်း ကျောင်းအုပ်ကြီးနှင့် သင်တန်း မှူးချုပ် တို့က ရှင်းပြ ကြသည်။
ယင်းနောက် အမောင်းသင် လေယာဉ် DA-40 လေယာဉ် သုံးစင်းကို မီဒီယာ သမားများ ကြည့်ရှု လေ့လာ ကြကြောင်း သိရသည်။