လက်နက်တင်ပို့မှုတရုတ်နိုင်ငံက မြန်မာကို

တရုတ်နိုင်ငံဟာ မြန်မာနိုင်ငံကို လက်နက်တင်ပို့တဲ့အထဲမှာ ထိပ်ဆုံးမှာ ရှိနေတဲ့ကြောင်း ဆွီဒင်နိုင်ငံ အခြေ စိုက် စတော့ဟုမ်း နိုင်ငံတကာ ငြိမ်းချမ်းရေး သုတေသနဌာန (SIPRI) ရဲ့ အစီရင်ခံစာမှာ ဖော်ပြပါတယ်။

တရုတ်နိုင်ငံဟာ လွန်ခဲ့တဲ့ ၅ နှစ်အတွင်း ကမ္ဘာ့လက်နက် တင်ပို့ရောင်းချတဲ့ ဈေးကွက်မှာ အဆင့် ၅ နေရာ ကို ရောက်ရှိလာပါတယ်။ အဲဒီအရင်ကတော့ ကမ္ဘာ့လက်နက် တင်ပို့မှုအများဆုံး အဆင့် ၈ နိုင်ငံ ဖြစ်ခဲ့ တာပါ။

လွန်ခဲ့တဲ့ ၅ နှစ်အတွင်းမှာ မြန်မာနိုင်ငံကို လက်နက် ထောက်ပံ့နေတဲ့ နိုင်ငံထဲမှာ တရုတ်နိုင်ငံက နံပါတ် ၁ ဖြစ်နေ ရာမှာ ရေယာဉ်ပေါ်ကနေ ပစ်လွှတ်နိုင်တဲ့ ဒုံးကျည် လက်နက်မျိုးပါဝင်ကြောင်းသိရပြီး လက်နက်နဲ့ ပက် သက်တဲ့ အပိုပစ္စည်းကို ထောက်ပံ့ပေးတဲ့အထဲမှာတော့ ရုရှားနိုင်ငံလည်း ပါဝင်ကြောင်း သိရပါတယ်။

တနင်္လာနေ့က ထုတ်ပြန်လိုက်တဲ့ အစီရင်ခံစာမှာ လွန်ခဲ့တဲ့ ၂၀၀၈ ခုနှစ်ကနေ ပြီးခဲ့တဲ့နှစ် ၂၀၁၂ အထိ တရုတ်နိုင် ငံက မြန်မာနိုင်ငံကို ၈ ရာခိုင်နှုန်းအထိ လက်နက် ပို့ဆောင်ခဲ့တယ်လို့ ဖော်ပြပါတယ်။ တရုတ် လက် နက်တင်ပို့မှုမှာ အများဆုံးဖောက်သည်ကတော့ ပါကစ္စတန်ဖြစ်ပြီး တင်ပို့မှုအားလုံးရဲ့ ၅၅% ကို ၀ယ်ေ န တာပါ။

SIPRI ရဲ့ အစီရင်ခံစာနဲ့ ပတ်သက်ပြီး တရုတ်နိုင်ငံရဲ့ လက်နက် တင်ပို့မှုတွေဟာ နိုင်ငံတကာ လုပ်ထုံး လုပ်နည်းေ တွနဲ့ အညီ ဆောင်ရွက်နေတာဖြစ်ပြီးတော့ ငြိမ်းချမ်းရေး တည်ငြိမ်ပျက်ပြားအောင် လုပ်ဆောင် တာမျိုး မရှိဘူးလို့ တရုတ် နိုင်ငံခြားရေး ၀န်ကြီးဌာနပြောခွင့်ရသူက ဘေဂျင်းမြို့သတင်းစာရှင်းလင်းပွဲမှာ တုန့်ပြန်ပြော ဆို ပါတယ်။

လက်နက် တင်ပို့ရောင်းချရာမှာ တရုတ်နိုင်ငံက မူဝါဒ ၃ ချက် ကျင့်သုံးနေကြောင်း၊ လက်နက်ဝယ်ယူတဲ့ နိုင်ငံေ တွ က မိမိ နိုင်ငံလုံခြုံရေး လိုအပ်ချက်အရ ၀ယ်ယူဖို့၊ ဒေသတွင်း နဲ့ ကမ္ဘာ့ငြိမ်းချမ်းရေးကို မထိ ခိုက်ဖို့၊ တခြားနိုင်ငံတွေရဲ့ ပြည်တွင်းရေးကို ၀င်ရောက်မစွက်ဖက်ဖို့ဖြစ်ကြောင်း သူက ပြောပါတယ်။

ကမ္ဘာတ၀ှမ်း လက်နက်အများဆုံး တင်ပို့ရောင်းချတဲ့နိုင်ငံတွေကိုဖော်ပြထားရာမှာ အမေရိကန်က ၃၀%၊ ရုရှားက ၂၆%၊ ဂျာမဏီနိုင်ငံက ၇%၊ ပြင်သစ် ၆%နဲ့ တရုတ်နိုင်ငံကတော့ ၅ ရာခိုင်နှုန်း အသီးသီးဖြစ်ပါ တယ်။ အရင်၅နှစ်မတိုင်မှီကတော့ ဗြိတိန်က ၅% တင်ပို့ရောင်းချ ခဲ့ပေမဲ့ အခုတရုတ်က သူ့ကို ကျော်လွန် သွား ခဲ့တာ ဖြစ်ပါတယ်။

လက်ရှိစစ်မက်ဖြစ်ပွားနေတဲ့ ဆီးရီးယားကို လက်နက်ပို့တဲ့အထဲမှာတော့ ရုရှက ၇၁%နဲ့ ထိပ်ဆုံးက ဖြစ်ကြောင်း အစီရင်ခံစာမှာ ဖော်ပြပါတယ်။